-
فرمان الہی
-
نماز کے اوقات
- جمعرات 9؍شوال المکرم 1445ھ18؍اپریل 2024ء
- بانی: میرخلیل الرحمٰن
- گروپ چیف ایگزیکٹووایڈیٹرانچیف: میر شکیل الرحمٰن
فرمان الہی
نماز کے اوقات
پنڈی کرکٹ اسٹیڈیم میں بنگلہ دیش کے خلاف آئی سی سی ٹیسٹ چیمپئن شپ کے پہلے ٹیسٹ میں اننگز اور 44 رنز کی فتح حاصل کرنے والی ٹیم کے کپتان اظہر علی جب پریس کانفرنس کرنے صحافیوں کے سامنے آئے تو انہوں نے کہا کہ یاسر شاہ نے دوسری اننگز میں چار وکٹ کی پرفارمنس کے ساتھ ناصرف اعتماد حاصل کیا، بلکہ ثابت کیا کہ وہ اب بھی ہمارے بہترین بولر ہیں۔
انہوں نے بتایا کہ لیگ اسپنر یاسر شاہ ماضی میں یو اے ای کی پچز پر خاصے موثر رہے ہیں، البتہ اس کے برعکس انہیں پاکستان میں کچھ مشکلات کا سامنا ہے، جس کی سیدھی وجہ یہاں کی پچز کا معیار ہے۔
اظہر علی بولے یو اے ای میں پچز اسپنرز کے لئے ساز گار ثابت ہوتی ہیں، وہاں رنز روکنا بھی مشکل نہیں ہوتا، اس کے برعکس پاکستان میں گیند ذرا دیر سے اسپن ہوتا ہے، اس لیے یاسر شاہ یہاں ابتداء میں گیند بازی کرتے ہوئے مشکلات کا شکار دکھائی دے رہے ہیں، لیکن خوشی اس بات کی ہے کہ ہمارے فاسٹ بولرز جس انداز میں گیند ڈال رہے ہیں، وہ ہماری قوت بن رہے ہیں۔
انہوں نے کہا کہ محمد عامر اور وہاب ریاض کے ٹیسٹ چھوڑنے سے نسیم شاہ اور شاہین شاہ کے لئے جگہ بنی ہے، انہوں نے کہا کہ نسیم شاہ نے راولپنڈی میں ہیٹ ٹرک کر کے خوب داد سمیٹی، اگر وہ دبئی میں یہ کارنامہ انجام دیتے، تو ان کو پتہ ہی نہیں چلتا کہ وہ کیا کر چکے ہیں، یہی وجہ تھی کہ میں نے انہیں ہیٹ ٹرک کے بعد فائن لیگ پر بھیجا کہ جاؤ اور داد سمیٹو۔
فواد عالم کو نا کھلانے کے سوال پر اظہر علی نے بتایا کہ ٹیم میں گیارہ کھلاڑی ہی کھیل سکتے ہیں، تاہم فواد عالم باصلاحیت بیٹس مین ہے، جس کو مناسب وقت پر ضرور موقع ملے گا۔
اظہر علی نے کہا کہ آئی سی سی ٹیسٹ چیمپئین شپ میں بنگلہ دیش کے خلاف کراچی ٹیسٹ جیت کر پوائنٹس ٹیبل پر اپنے پوائنٹس کو بڑھانے کی کوشش کرینگے، کیونکہ ہمیں آئی سی سی ٹیسٹ چیمپئین شپ انگلینڈ ، نیوزی لینڈ اور جنوبی افریقا کے خلاف مشکل سیریز ابھی کھیلنا ہیں۔
