کراچی کے مختلف علاقوں سے 9 ملزمان گرفتار

14 فروری ، 2020

کراچی کے مختلف علاقوں میں کاروائیاں 9 ملزمان کو گرفتار کرلیا گیا ، منظور کالونی میں پولیس اور رینجرز کے مشترکہ سرچ آپریشن میں 16 افراد کو حراست میں لیا گیا، شاہ لطیف میں اندھی گولی لگنے سے بچہ زخمی ہوگیا۔

گبول ٹاؤن میں پولیس نے کارروائی کرتے ہوئے 3 ملزمان کو گرفتار کرکے ان کے قبضے سے شراب کی بڑی تعداد میں بوتلیں برآمد کر لیں ، ملزمان رکشے میں شراب کی بوتلیں سپلائی کر رہے تھے۔

عوامی کالونی میں پولیس نے کارروائی کرکے دو اسٹریٹ کرمنلز کو گرفتار کرکے اسلحہ برآمد کرلیا،جبکہ کھوکھرا پار میں پولیس نے کارروائی کر کے موٹر سائیکل لفٹنگ کرنے والے 2 ملزمان کو گرفتار کیا ہے۔

زمان ٹاؤن میں بھی پولیس کی کارروائی میں 2 ملزمان گرفتار کیے، پولیس کا کہنا ہے کہ گرفتار ملزمان گٹکا اور منشیات فروشی میں ملوث ہیں، جبکہ منظور کالونی میں پولیس اور رینجرز نے سرچ آپریشن کیا آپریشن میں گھر گھر تلاشی کے بعد 16 مشتبہ افراد کو حراست میں لیا گیا ہے۔

شاہ لطیف سیکٹر 19 بی میں گھر کی چھت پر اندھی گولی لگنے سے بچہ زخمی ہوگیا ، زخمی بچے کو جناح اسپتال منتقل کیا گیا ہے بچے کی حالت خطرے سے باہر ہے ۔

تازہ ترین