آپ آف لائن ہیں
منگل13؍شعبان المعظم 1441ھ 7؍اپریل2020ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
تازہ ترین
آج کا اخبار
کالمز

کونسے اجزاء چہرے کیلئے مضر ہیں؟

ہر عورت کی خواہش ہوتی ہے کہ اُس کا چہرہ خوبصورت نظر آئے جبکہ اُس کی رنگت گوری ہو اور اِس مقصد کے حصول کے لیے خواتین بنا سوچے سمجھے اپنے چہرے پر مختلف قسم کے اجزاء لگانے سے بھی نہیں گھبراتیں اور اُن کو جو جیسی ہدایت کرتا ہے وہ اُسی طرح کے کیمیکلز وغیرہ اپنے چہرے پر لگا لیتی ہیں۔

بعض اوقات کچھ خواتین کو چہرے پر کیل مہاسے اور ایکنی جیسے مسائل کا سامنا بھی کرنا پڑتا ہے، اِن مسائل کے خاتمے کے لیے ڈاکٹرز اُن کو مشورہ دیتے ہیں کہ آپ اپنے چہرے پر ہاتھ نہ لگائیں۔ اِن مسائل سے چھٹکارا پانے کے لیے ہم اپنے چہرے پر کچھ ایسی اجزاء کا استعمال بھی کرلیتے ہیں جو ہمارے چہرے کی صحت کو خراب کر دیتے ہیں۔ اِن اجزاء میں باڈی لوشن، گرم پانی وغیرہ شامل ہیں۔

چہرے کو خراب کر دینے والے اجزاء:

باڈی لوشن:

اکثر لوگ باڈی لوشن اپنے چہرے پر بھی لگاتے ہیں جس سے اُن کے چہرے کی صحت خراب ہوجاتی ہے۔ 

سردیوں میں موسم خُشک ہونے کی وجہ سے ہم باڈی لوشن کا استعمال زیادہ کرتے ہیں اور ہم وہ ہی لوشن اپنے چہرے پر بھی لگالیتے ہیں جو کہ چہرے پر ایکنی کی وجہ بنتا ہے۔

باڈی لوشن میں ہمارے چہرے کے لوشن کے مقابلے میں نمی کی مقدار زیادہ ہوتی ہے اور اِسی وجہ سے اِس کو چہرے پر لگانے سے منع کیا جاتا ہے۔

انڈے کی سفیدی:

اگر ہم انڈے کے فوائد کی بات کریں تو بالوں اور چہرے کے لیے انڈے کے بہت سے فائدے ہیں۔ انڈے کی سفیدی کو بھی اگر چہرے پر لگایا جائے تو اِس سے ہماری جلد اچھی ہوتی ہے لیکن اگر آپ کے چہرے پر الرجی ہے اور اُس دوران آپ اپنے چہرے پر انڈے کی سفیدی لگاتے ہیں تو اِس سے آپ کے چہرے کو نقصان پہنچ سکتا ہے اور آپ کو جِلد کے انفیکشن جیسے مسائل کا بھی سامنا کرنا پڑسکتا ہے۔

گرم پانی:

گرم پانی بھی ہمارےچہرے کی صحت کو خراب کرتا ہے، جیسے زیادہ ٹھنڈا پانی چہرے پر استعمال نہیں کرنا چاہیے اِسی طرح زیادہ گرم سے بھی منہ دھونے سے ہماری جِلد خراب ہوجاتی ہے۔

اِسی لیے سردی ہو یا گرمی آپ جب بھی اپنا منہ دھوئیں تو پانی کا درجہ حرارت نارمل ہونا چاہیے۔

صحت سے مزید