ریما عمر شریف کی بیٹی کے انتقال پر دل شکستہ

ماضی کی معروف فلم اسٹار ریما خان کا کہنا ہے کہ انہیں عمر شریف کی بیٹی حرا کے انتقال کی خبر سن کر گہرا صدمہ ہوا۔

عمر شریف کی صاحبزادی انتقال کرگئیں

نامور کمپئیر اور اسٹیج و ٹی وی کے معروف مزاحیہ اداکار عمر شریف کی صاحبزادی حرا شریف لاہور میں انتقال کرگئیں

سماجی رابطے کی ویب سائٹ انسٹاگرام پر انہوں نے حرا کے ہمراہ ایک تصویر شیئر کرتے ہوئے لکھا کہ ’حرا کی موت کی خبر کا سن کر وہ انتہائی رنج میں مبتلا ہیں۔‘

انہوں نے لکھا کہ حرا ایک حیرت انگیز شخصیت کی مالک تھیں، نوجوانی میں ان کی موت کا تصور کرنا بھی مشکل ہے۔

ریما نے لکھا کہ وہ سمجھ سکتی ہیں کہ یہ وقت عمر شریف اور ان کی اہلیہ کے لیے کتنا مشکل ہے۔

انہوں نے وفات پا جانے والی حرا کے اہل خانہ کے لیے دعا کرتے ہوئے لکھا کہ ’خدا اہل خانہ کو یہ بڑا نقصان برداشت کرنے کے لیے صبر اور طاقت عطا کرے۔‘

یاد رہے کہ عمر شریف کی صاحبزادی حرا شریف گردوں میں انفیکشن کے مرض میں مبتلا تھیں اور لاہور کے ایک اسپتال میں زیر علاج تھیں۔

عمر شریف کی بیٹی کی موت غلط آپریشن کے باعث ہوئی، اہلخانہ کا الزام

معروف اداکار و کامیڈین عمر شریف کی بیٹی حرا عمر کی...

اہل خانہ کی جانب سے موت غلط آپریشن کے باعث ہونے کا الزام بھی سامنے آیا تھا۔

عمر شریف کی صاحبزادی کو سپرد خاک کردیا گیا

معروف کامیڈین عمر شریف کی بیٹی حرا شریف کی مقامی قبرستان میں تدفین کردی گئی، جوان بیٹی کی موت پر عمر شریف اپنے آنسو قابو نہ رکھ سکے

گزشتہ روز حرا شریف کی نماز جنازہ قریبی مسجد میں ادا کی گئی جس کے بعد انہیں ماڈل ٹاؤن کے قبرستان میں سپرد خاک کردیا گیا۔