پاکستان انتہا پسندی کے عفریت سے نکل رہا ہے: گورنر پنجاب

پنجاب کے گورنر چوہدری محمد سرور کا کہنا ہے کہ پاکستان انتہا پسندی کے عفریت سے نکلتا جا رہا ہے، پی ایس ایل کے میچز اس کا واضح ثبوت ہیں۔

گورنر پنجاب چوہدری محمد سرور نے لاہور میں پیر شاہ عنایت قادری کے مزار پر حاضری دی، پھول چڑھائے اور فاتحہ خوانی کی۔

جسے لانگ مارچ کا شوق ہے وہ پورا کر لے: گورنر پنجاب

گور نر پنجاب چوہدری محمد سرور کہتے ہیں کہ اگر کسی کو لانگ مارچ کا شوق ہے تو وہ پورا کر لیں، عوام وزیرِ اعظم عمران خان کے ساتھ ہیں۔

اس موقع پر میڈیا سے گفتگو کرتے ہوئے ان کا کہنا تھا کہ مسلمان بحیثیت قوم متحد ہو جائیں تو کشمیر اور فلسطین کے مسلمانوں پر ظلم ختم ہو جائیں گے۔

انہوں نے مزید کہا کہ برصغیر پاک و ہند میں اسلام کا پیغام صوفیائے کرام رحمۃ اللّٰہ علیہ نے پہنچایا، رب کے پیاروں نے ہمیشہ انسانیت اور محبت کا درس دیا۔

یہ بھی پڑھیئے: عثمان بزدار کی تبدیلی کی باتیں افواہ ہیں، گورنر پنجاب

گورنر پنجاب چوہدری سرور کا یہ بھی کہنا ہے کہ انتہا پسندی کے خاتمے کے ساتھ ساتھ ایسے عناصر کا خاتمہ بھی ضروری ہے جو فرقہ واریت اور نفرت کو فروغ دیتے ہیں۔