آپ آف لائن ہیں
بدھ7؍ شعبان المعظم 1441ھ یکم اپریل 2020ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
تازہ ترین
آج کا اخبار
کالمز

اسٹیٹ بینک اور بینک سربراہان کا اجلاس

اسٹیٹ بینک اور دیگر بینک سربراہان کے درمیان آج اجلاس ہوا جو تقریبا 2 گھنٹے تک جاری رہا ، اجلاس میں قرض لینے والوں کے لئے ریگولیٹری ریلیف پر بات ہوئی۔

بینکنگ ذرائع کے مطابق اجلاس میں قرض لینے والوں کو سود اور اصل کی ادائیگی میں ریلیف فراہم کرنے اور ا س سلسلے میں ریگولیٹری ضروریات نرم کرنے پر تبادلہ خیال ہوا۔

ذرائع کے مطابق اجلاس کے دوران کیپٹل کنورشن بفر کی حد ایک فیصد کم کرنے، ریٹیل صارف کی حد بڑھانے، شیئر فنانسنگ پر مارجن کم کرنے کرنے، لسٹڈ کمپنیوں کی گروپ آف کمپنیز کے عوض قرض لینے کی اجازت، ٹریڈ بلز نقصان کا دورانیہ 6 ماہ سے بڑھا کر 12 ماہ کئے جانے اور بینکوں کو قرضوں اور اصل کی ری اسٹرکچرنگ کی اجازت دینے پرتبادلہ خیال ہوا۔

اجلاس کے دوران قرض کے اصل کی ادائیگی موخر کرنے کی درخواست ، شرح سود میں کمی کو یکم اپریل سے صارف کو منتقل کرنے، ڈپازٹس پر ادائیگی کی کم از کم حد کم کرنے اور سود پر چھوٹ دینے پر تبادلہ خیال ہوا۔

اس کے علاوہ اجلاس میں بینکوں کے اوقات کار اور شرح تبادلہ پر بھی غور ہوا۔

ذرائع کے مطابق اسٹیٹ بینک اور پاکستان بینکنگ ایسوسی ایشن اجلاس پر مشترکہ اعلامیہ کل جاری کیا جائے گا۔

تجارتی خبریں سے مزید