آپ آف لائن ہیں
جمعرات12؍شوال المکرم 1441ھ4؍جون2020ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
تازہ ترین
آج کا اخبار
کالمز

بھارتی نغمہ نگارآنند بخشی کی 18ویں برسی کل منائی جائیگی

ممبئی (مانیٹرنگ ڈیسک)معروف نغمہ نگار بھارتی گیت کار آنند بخشی کو اپنے مداحوں سے بچھڑے 18برس بیت گئے۔21جولائی 1930 کوراولپنڈی میں پیدا ہونیوالے مشہور معروف بھارتی نغمہ نگار آنند بخشی کے گیت آج بھی لاکھوں کروڑوں لوگوں کے کانوں میں رَس گھول دیتے ہیں۔آنند بخشی نے ابتدا میں گلوکاری بھی کی لیکن انہیں اصل شہرت فلموں کے گانے لکھ کر ہی ملی۔آنند بخشی نے60کی دہائی سے90کی دہائی تک شاندار گیت تخلیق کئے۔ان کے تحریر کردہ خوبصورت لفظوں اور جملوں کو لتا منگیشکر، رفیع،کشور کمار سمیت تمام نامورگلوکاروں نے اپنی آواز دینا اپنے لیے اعزاز سمجھا۔1997کی بلاک بسٹر بولی وڈ فلم’’ دل تو پاگل ہے‘‘کے گانوں نے مقبولیت کے نئے ریکارڈ قائم کرکے ان کے فنی کیریئر کو چار چاند لگا دئیے۔دل اور گردوں کے عارضے میں مبتلا آنند بخشی71سال کی عمر میں 30مارچ 2002میں اپنے مداحوں کو سو گوار چھوڑ کر اس دنیا سے رخصت ہو گئے۔

دل لگی سے مزید