امریکی اراکینِ کانگریس کا ایران سے پابندیاں ہٹانے کا مطالبہ

امریکا کے 32 ارکینِ کانگریس نے ایران پر عائد پابندیاں معطل کرنے کا مطالبہ کر دیا۔

برنی سینڈرز سمیت دیگر ارکان کی طرف سے امریکا کے وزیرِ خارجہ اور وزیرِ خزانہ کو خط لکھا گیا ہے۔

ایران: میتھانول کورونا کی دوا سمجھ کر پینے والے 300افراد جاں بحق

ایران میں زہریلا مواد پینے سے 300 افراد جاں بحق ہو گئے، مرنے والوں نے میتھانول کو کورونا وائرس کے لیے مؤثر دوا سمجھ کر پیا تھا۔

ارکانِ کانگریس کا اپنے خط میں کہنا ہے کہ سخت پابندیاں ایران میں کورونا وائرس کی پھیلی ہوئی وبا سے نمٹنے کی کوششوں میں رکاوٹ ہیں۔

کانگریس ارکان کا یہ بھی کہنا ہے ایران سے امریکا کا تنازع کورونا کی وبا سے پریشان معصوم لوگوں کی مدد میں رکاوٹ نہیں بننا چاہیے۔

واضح رہے کہ ایران وہ ایشیائی مسلم ملک ہے جو کورونا وائرس کی وبا سے بری طرح متاثر ہوا ہے۔

یہ بھی پڑھیئے: یورپی ممالک کی ایران کو طبی آلات اور سامان کی فراہمی

ایران میں کورونا وائرس کا پہلا کیس 18 فروری کو رونما ہوا تھا اور اب تک 44605 افراد اس وائرس سے متاثر ہوئے ہیں جبکہ 2898 ایرانی شہری اس وائرس سے لڑتے ہوئے موت کی آغوش میں جا چکے ہیں۔

کورونا وائرس سے ایران میں صحت یاب ہونے والے افراد کی تعداد 14656 ہے جبکہ 3703 مریضوں کی حالت تشویش ناک ہے۔