• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

تاجر اتحاد کا پولیس‘ ٹریفک پولیس اور صحافیوں کو خراج تحسین

میرا شہر
پشاور
03 اپریل ، 2020
پشاور (لیڈی رپورٹر)تاجر اتحاد نے کورونا وائرس کی وبا کے دوران اپنا مثبت کردار ادا کرنے پر پولیس‘ ٹریفک پولیس کو خراج تحسین پیش کرتے ہوئے خصوصی شیلڈز سے نوازا۔ اس حوالے سے ایک اجلاس تاجر اتحاد کے دفتر میں منعقد ہوا جس میں چیئرمین مجیب الرحمان‘ میاں محمد اختر‘ محمد شوکت شاہد خان اور دیگر صدور نے شرکت کی۔ اجلاس میں ایس ایچ او دوست محمد خان‘ ٹریفک انسپکٹر کوپھولوں کے ہار پہنائے گئے اور انہیں شیلڈ زپیش کی گئیں۔ اس موقع پر مجیب الرحمان نے کہا کہ اس مشکل کی گھڑی میں میں ڈاکٹر برادری جو فرنٹ لائن پر ہے اسی طرح پرنٹ و الیکٹرانک میڈیا اور پولیس و ٹریفک پولیس اہلکار اور فوج بھی اس کے برابر کام کر رہے ہیں۔ انہوںنے وفاقی حکومت سے مطالبہ کرتے ہو ئے کہا کہ جس طرح پنجاب حکومت کی جانب سے ڈاکٹروں کو کورونا وائرس کیخلاف کام کرنے پر ایک ماہ کی اضافی تنخواہ دی جا رہی ہے تمام پولیس فورس اور فوج کو بھی اضافی تنخواہیں دی جائیں اسی طرح صحافی برادری کو خصوصی پیکج کا اعلان کیا جائے تاکہ ان کی حوصلہ افزائی ہو سکے۔
تازہ ترین