کراچی سے فضائی آپریشن معطل کرنے کا حکم

پاکستان ایئرلائن ( پی آئی اے ) کے سی ای او نے کراچی سے فضائی آپریشن معطل کرنے کے احکامات جاری کردیے۔

ایک بیان میں سی ای او ایئر مارشل ارشد نے کہا ہے کہ کراچی ایئرپورٹ پر پیش آنے والا واقعہ عملے سے متعلق حکومت پاکستان کی ہدایات کے منافی ہے۔

انہوں نے کہا کہ خالی جہاز لندن سے واپس آنے سے 3 گھنٹے قبل تمام حکام کو اطلاع کردی گئی تھی۔

سی ای او پی آئی اے نے مزید کہا کہ ہدایات کے باوجود محکمہ صحت سندھ کے عملے نے کپتانوں کو زبردستی قرنطینہ کرنے پر اصرار کیا۔

ترجمان پی آئی اے عبداللّٰہ خان نے کہا کہ فضائی عملے میں کورونا وائرس کی موجودگی کی اطلاعات گمراہ کن ہیں۔