کلوروکوئن کی تیاری، پلازمہ تھراپی کی اجازت دیدی گئی

پاکستان میں کورونا وائرس کےعلاج کے لیے کلوروکوئن کی تیاری اور پلازمہ تھراپی کی اجازت دیدی گئی ہے۔

وزیرِ اعظم عمران خان کے معاونِ خصوصی برائے صحت ڈاکٹر ظفر مرزا کی ہدایت پر کورونا وائرس سے بچاؤ کے لیے ڈرگ ریگولیٹری اتھارٹی پاکستان (ڈریپ) کی جانب سے یہ اہم اقدامات کیے گئے ہیں۔

کورونا کے تخمینے کے برعکس اموات کم ہوئی ہیں، ظفر مرزا

سپریم کورٹ کو کورونا وائرس سے تحفظ کے لیے حکومتی اقدامات پر بریفنگ دینے کے لیے چیرمین نیشنل ڈیزاسٹر مینجمنٹ اتھارٹی( این ڈی ایم اے ) محمد افضل، سربراہ احساس پروگرام ثانیہ نشتر اور ڈاکٹر ظفر مرزا سپریم کورٹ پہنچ گئے ہیں

ڈاکٹر ظفر مرزا نے بتایا ہے کہ ڈریپ نے کلوروکوئن کے خام مال کی مقامی طور پر تیاری کی اجازت دے دی ہے، ڈریپ نے کورونا کے علاج کے لیے پلازمہ تھراپی کے کلینیکل ٹرائلز کی بھی اجازت دے دی ہے۔

انہوں نے بتایا کہ ڈریپ نے پاکستان میں تیار ہونے والے وینٹیلیٹرز کے کلینکل ٹرائلز کی اجازت بھی دے دی ہے۔

وزیرِ اعظم کے معاونِ خصوصی کا کہنا ہے کہ پاکستان انجینئرنگ کونسل کے تیار کردہ وینٹیلیٹرز کو استعمال سے پہلے ٹیسٹ کیا جا رہا ہے۔

انہوں نے مزید بتایا کہ ڈریپ کی جانب سے 50 سے زائد کمپنیوں کو 3ماہ کے لیے ہینڈ سینیٹائزر بنانے کی اجازت دے دی گئی ہے۔

یہ بھی پڑھیئے: کورونا ٹیسٹنگ سسٹم بہتر انداز میں چل رہا ہے، ظفر مرزا

ڈاکٹر ظفر مرزا نے یہ بھی بتایا کہ ہینڈ سینیٹائزر کی فراہمی یقینی بنانے کے لیے ڈریپ نے کچھ دن پہلے نوٹی فکیشن جاری کیا تھا، لائسنس یافتہ کمپنیاں ڈبلیو ایچ او کی ہدایات کے مطابق معیاری ہینڈ سینیٹائزر تیار کریں گی۔