فرمان الہی
نماز کے اوقات
مسلم لیگ ن کے صدر اور قومی اسمبلی میں اپوزیشن لیڈر شہباز شریف کا ملک بھر میں پارٹی رہنماؤں اور کارکنان کو عوام کی مدد کا عمل تیز کرنے کی ہدایت کی ہے۔
شہباز شریف کا کہنا ہے کہ جس تیزی سے کورونا پھیل رہا ہے اتنی تیزی سےلوگوں کی مدد کی بھی ضرورت ہے، عوام کی خدمت کے لیے خود کو وقف کر دیں۔
قائد حزب اختلاف کا کہنا تھا کہ اس وقت عوام کے بجائے اللہ کی نظر میں اپنا مقام بنانے کی کوشش کریں، خاموشی سے لیکن تیزی کے ساتھ عوام کی مدد کی حکمت عملی اختیار کریں۔
انہوں نے کہا کہ رمضان شریف کو عوام کی خدمت اور مدد کا مہینہ بنا لیں، دکھی انسانیت کی خدمت اس وقت سب سے بڑا فرض اور عبادت ہے۔
شہباز شریف نے یہ بھی کہا کہ دین اور دنیا کمائیں گے تو جنت اور غریبوں، سفید پوش عوام کے دل میں گھر پائیں گے۔
