فرمان الہی
نماز کے اوقات
پاکستان مسلم لیگ نون کے صدر اور قومی اسمبلی میں قائدِ حزبِ اختلاف میاں محمد شہباز شریف نے کہا ہے کہ کورونا وائرس کی وباء کے باعث دوسرے ملکوں میں آباد پاکستانیوں کی اموات ملک کے لیے ناقابلِ تلافی نقصان ہے۔
شہاز شریف نے اپنے بیان میں کورونا وائرس کی وباء سے بیرونِ ملک پاکستانیوں کی وفات پر رنج وغم اور افسوس کا اظہار کیا ہے ۔
انہوں نے کہا کہ بیرون ملک مقیم پاکستانیوں کی کورونا وائرس کی وباء سے وفات پر بے حد دکھ ہے، وہ متاثرہ خاندانوں سے دلی ہمدردی اور تعزیت کرتے ہیں۔
شہبازشریف نے مزید کہا کہ بیرونِ ملک مقیم پاکستانی عزم و ہمت اور وفا کی قابلِ فخر مثال ہیں، بیرونِ ملک رہنے والے اہلِ وطن پاکستان کے بارے میں ہمیشہ فکر مند رہتے ہیں۔
یہ بھی پڑھیئے: کراچی، کورونا ٹیسٹ کا نتیجہ 10 منٹ میں ملے گا
مسلم لیگ نون کے صدر کا یہ بھی کہنا ہے کہ یہ وہ عظیم پاکستانی ہیں جو اپنوں اور ملک کی آسودگی کے لیے ہجرت کا غم سہتے ہیں۔
