فرمان الہی
نماز کے اوقات
پاکستان شوبز انڈسٹری کے سینئر اداکار آصف رضا میر نے امریکی ٹی وی سیریز ’گینگز آف لندن‘ میں اداکاری کر کے بین الاقوامی سطح پر اپنی صلاحیتوں کا لوہا منوالیا۔
’گینگز آف لندن‘ لندن کے سب سے طاقتور جرائم پیشہ خاندان کے سربراہ کی ہلاکت پر مبنی ہے جسے ایک بین الاقوامی گروہ کنٹرول کررہا تھا۔
آصف رضا میر ایکشن ٹی وی سیریز میں گینگ کے سربراہ کا کردار ادا کررہے ہیں۔
گزشتہ دنوں آصف رضا میر کی اہلیہ ثمرا نے ’گینگز آف لندن‘ کا ٹریلیر اپنے انسٹاگرام اکاؤنٹ پر شیئر کیا تھا۔
آصف رضا میر کی ڈیبیو امریکی سیریز گینگز آف لندن ’اسکائی ٹی وی‘ کی ڈرامہ سیریز ہے جس کی ہدایتکاری گیرتھ ایونز، کورین ہارڈی اور زاویر گینس نے کی ہے۔
دس حصوں پر مشتمل ٹی وی سیریز میں دنیا کے کئی اور نامور فنکار بھی کام کررہے ہیں جن میں مائیکل فیئرلے، مارک لیوس جونز، جنگ لوسی،برائن ورنل قابل ذکر ہیں۔
گینگز آف لندن اسکائی ٹی وی پر 23 اپریل سے نشر ہونا شروع ہوگا۔
