فرمان الہی
نماز کے اوقات
وزیر اعظم عمران خان کے ترجمان ندیم افضل چن کی اپنے قریبی دوست مختار حسین باجوہ عرف مختاریا سے کی گئی مبینہ طور پر لِیک ہونے والی واٹس ایپ آڈیو کال پہلے ہی کافی مقبول تھی لیکن اب ندیم افضل چن کے ’مختاریا ‘ پر گانا بھی ریلیز کردیا گیا ہے۔
مقامی گلوکار و ڈی جے سمیع اور گلوکار عباس کی جانب سے جاری ویڈیو گانے ’مختاریا ‘ کے سامنے آتے ہی سوشل میڈیا پر اسے بے حد پزیرائی مل رہی ہے۔
03منٹ اور 48 سیکنڈ پر مشتمل گانے کی ویڈیو دیہاتی ماحول میں عکسبند کی گئی ہے، مقامی گلوکاروں نے ندیم افضل چن کی واٹس ایپ آڈیو کال کی بات کو لیرکس میں ڈھال کر گانے کی شکل میں پیش کیا۔
گانے کا میوزک کاشف علی اور ویڈیو ڈائریکشن وقاروکی نے دی ہے ،گانے کی ویڈیو ایک گاؤں میں بنائی گئی ہے اور اس میں ’مختاریا‘کو ہی خراج تحسین پیش کیا گیا ہے۔
واضح رہے کہ میر حمزہ نامی ایک سوشل میڈیا صارف کا بھی اس طرز پر بنا ایک ویڈیو پیغام وائرل ہوا تھا۔
یاد رہے کہ گزشتہ دنوں سوشل میڈیا پر ندیم افضل چن کا ایک آڈیو کِلپ زیر گردش رہا جس میں وہ کسی’مختاریا‘ سے مخاطب ہیں اور کورونا کی ممکنہ صورتحال سے مقامی انداز میں آگاہ کرتے ہوئے کہہ رہے ہیں کہ بات بہت بڑھ گئی ہے ، گھر پر بیٹھو اور احتیاطی تدابیر اختیار کرو۔
ندیم افضل چن کے اس آڈیو کلپ پر اتنی بات کی گئی کہ پاکستان کے ٹوئٹر ٹرینڈ پینل پر بھی یہ سر فہرست ٹرینڈ میں سے ایک رہا۔
سوشل میڈیا صارفین کی بڑی تعداد کو ’مختاریا ‘ کی تلاش تھی تاہم گزشتہ دنوں ندیم افضل چن اپنی ایک ویڈیو میں ’مختاریا ‘ کو سامنے لائے تھے صارفین سے مختیاریا کی ملاقات کروائی تھی۔
