فرمان الہی
نماز کے اوقات
مسلم لیگ نون کے صدر میاں محمد شہباز شریف نے دہشت گردوں سے لڑائی میں پاک فوج کے 2 جوانوں کی شہادت پر اظہارِ تعزیت کیا ہے۔
ایک بیان میں مسلم لیگ نون کے صدر اور قومی اسمبلی میں قائدِ حزبِ اختلاف میاں محمد شہباز شریف نے کہا ہے کہ لانس نائیک عبدالوحید اور سپاہی سکون داد کو خراجِ عقیدت پیش کرتے ہیں۔
قائدِ حزبِ اختلاف شہباز شریف نے کہا ہے کہ شہداء کی قربانیاں دہشت گردی کے خلاف پاکستان کے پختہ عزم کا واضح اظہار ہے۔
شہباز شریف نے یہ بھی کہا کہ پاکستان میں امن وسلامتی کے لیے عظیم قربانیاں دی گئی ہیں جس کا سلسلہ جاری ہے،اللّٰہ تعالیٰ شہداء کے درجات بلند فرمائے اور اہلِ خانہ کو صبرِ جمیل دے۔
واضح رہے کہ آج شمالی وزیرستان کے علاقے خیسولہ اور دوسالی میں سیکیورٹی فورسز کے آپریشن کے دوران فائرنگ کے تبادلے میں 9 دہشت گرد ہلاک ہو گئے جبکہ ایک دہشت گرد کو حراست میں لے لیا گیا ہے۔
یہ بھی پڑھیئے: ’حتمی رپورٹ نہ آنا عمران نیازی کا اعترافِ جرم ہے‘
پاک فوج کے شعبۂ تعلقاتِ عامہ (آئی ایس پی آر) کے مطابق دہشت گردوں کی فائرنگ سے پاک فوج کے 2 جوان لانس نائیک عبدالوحید اور سپاہی سکون داد شہید ہوئے ہیں، جبکہ 5 جوان زخمی ہو گئے۔
آئی ایس پی آر کا یہ بھی کہنا ہے کہ علاقے کی سرچنگ کے دوران اسلحہ اور گولہ بارود بھی قبضے میں لیا گیا ہے۔
