• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

یونس خان شعیب اختر کی حمایت میں بول پڑے

تازہ ترین
کھیلوں کی خبریں
30 اپریل ، 2020


پاکستان کے سابق لیجنڈری بیٹسمین یونس خان شعیب اختر کی حمایت میں بول پڑے ، انہوں نے کہا کہ شعیب اختر نے مناسب اور تلخ سچائی کا اظہار کیا ہے۔

یونس خان نے کہا کہ یہ وقت ہے کہ پاکستان کرکٹ بورڈ (پی سی بی) شعیب اختر کے ریمارکس کا دیانت داری سے جائزہ لے۔


پی سی بی کا لیگل ڈپارٹمنٹ اور تفضل رضوی نااہل ہیں، شعیب اختر

جیو نیوز سے گفتگو میں سابق فاسٹ بولر نے کہا کہ پاکستان کرکٹ بورڈ ( پی سی بی) کا لیگل ڈپارٹمنٹ اور تفضل رضوی نااہل ہیں۔

سابق بیٹسمین نے کہا کہ میں شعیب اختر کے ساتھ کھڑا ہوں۔

واضح رہے کہ سابق فاسٹ بولر شعیب اختر نے پی سی بی کے لیگل ڈیپارٹمنٹ اور قانونی مشیر کو سخت تنقید کا نشانہ بناتے ہوئے کہا تھا کہ پی سی بی کا لیگل ڈپارٹمنٹ اور تفضل رضوی نااہل ہیں۔

شعیب اختر عمر اکمل کی حمایت میں سامنے آگئے، تفضل رضوی پر برس پڑے

تفضل رضوی تمام کھلاڑیوں کے کیسز الجھاتے ہیں، وہ ماضی میں مجھ سے بھی کیس ہار چکے ہیں، شعیب اختر

انہوں نے کہا کہ تفضل رضوی جیسے وکیل ہائی پروفائل کیس لے کر اپنا نام بناتے ہیں۔

دوسری طرف تفضل رضوی نے سابق فاسٹ بولر پر 10 کروڑ روپے ہرجانے کا دعویٰ کیا ہے اور کہا کہ شعیب اختر نے سوشل میڈیا کے ذریعے میرے خلاف غلط باتیں کی ہیں اور میں اب سائبر کرائم ایکٹ کے تحت کارروائی کے لیےایف آئی اے کو درخواست دے رہا ہوں۔

تازہ ترین