فرمان الہی
نماز کے اوقات
وفاقی حکومت کے ترجمان شہباز گل کا کہنا ہے کہ پی پی چیئرمین بلاول بھٹو زرداری کی پریس کانفرنس جھوٹ، پرو پیگنڈا اور عوام کو گمراہ کرنےکی سازش ہے۔
بلاول بھٹو زرداری کی پریس کانفرنس پر ردعمل دیتے ہوئے شہبازگل نے کہا کہ کورونا کی آزمائش میں اپنا کردار ادا کرنے کے بجائے بلاول سیاست کررہے ہیں۔
انہوں نے کہا کہ پیپلزپارٹی کےچیئرمین کو 18ویں ترمیم کا مطلب سمجھانا ہوگا، جبکہ پیپلز پارٹی بغلیں بجانے اور سیاسی بیانات کی بجائےعملی میدان میں کارکردگی دکھائے۔
شہباز گل نے کہا کہ لیاری سے لانڈھی تک عوام کی ذمہ داری آپ کی ہے اور آپ کے وزیراعلیٰ کی ہے۔
انہوں نے کہا کہ 30 سال سے سندھ پر حکومت کرنے والوں کا وفاق کےخلاف پروپیگنڈہ نہیں چلےگا۔
شہباز گل نے کہا کہ وفاقی حکومت 1200 ارب سے پاکستان بھر میں ضرورت مندوں کو امداد فراہم کررہی ہے جبکہ پنجاب حکومت ہیلتھ کیئر پروفیشنلز سمیت فرنٹ لائن ورکرز کو ڈبل تنخواہ دےگی۔
انہوں نے کہا کہ فرنٹ لائن ورکرز کیلئے 40 سے 80 لاکھ تک کا شہید پیکیج اور لائف انشورنس بھی دیں گے۔
شہباز گل نے کہا کہ بلاول بتائیں سندھ حکومت وفاق پر الزامات لگانے کے سوا اور کیا کررہی ہے؟ جبکہ وفاقی حکومت پاکستان بھر میں ڈاکٹرز اور پیرامیڈیکل اسٹاف کو آلات فراہم کررہی ہے۔
انہوں نےکہا کہ ڈ اکٹرز ہمارے فرنٹ لائن سولجر ہیں جن کے ساتھ شانہ بشانہ کھڑے ہیں۔
شہباز گل نے کہا کہ و فاق نے سندھ کو اب تک 5 لاکھ 4 ہزار 477 ماسک فراہم کیے۔
