پٹرولیم قیمتوں میں کمی کا فائدہ عام افراد تک پہنچایا جائے: وزیرِ اعظم

وزیرِ اعظم عمران خان نے کہا ہے کہ پٹرولیم مصنوعات کی قیمتوں میں کمی کا فائدہ عام افراد تک پہنچایا جائے۔

ایک بیان میں وزیرِ اعظم عمران خان نے پنجاب اور خیبر پختون خوا کی حکومتوں کو ہدایت کی ہے کہ وہ ہر صورت تمام مصنوعات کی قیمتیں کم کروائیں۔

وزیرِ اعظم نے صوبوں کو مہنگائی میں مزید کمی لانے کے لیے ہنگامی اقدامات کی ہدایت دیتے ہوئے کہا ہے کہ ناجائز منافع خوروں کے خلاف ایکشن کے لیے ضلعی انتظامیہ سے تعاون لیا جائے۔

کورونا کی صورتحال پر وزیراعظم کا ارکان اسمبلی کو اعتماد میں لینےکافیصلہ

ذرائع کا کہنا ہے کہ ارکان اسمبلی وزیراعظم کو حلقوں میں مسائل سے آگاہ کریں گے، جبکہ اجلاس میں حلقوں میں ہونے والی کورونا کی صورتحال کا جائزہ بھی لیا جائے گا۔

انہوں نے مزید کہا کہ آئل پرائسز بڑھنے پر بلا تاخیر مہنگائی کی جاتی رہی ہے، اب تیل کی قیمتوں میں نمایاں کمی کے بعد اشیاء کی قیمتوں میں کمی بھی یقینی بنائی جائے۔

وزیرِ اعظم عمران خان نے یہ بھی کہا ہے کہ ضلعی انتظامیہ کے تعاون سے ناجائز منافع خوروں کے خلاف ایکشن لیا جائے، ہر صورت قیمتیں کم کروائیں بصورت دیگر ایکشن لیں۔

دوسری جانب وزیرِ اعظم عمران خان آج چھوٹا کاروبار امدادی پیکیج کا اعلان کرنے والے ہیں، پیکیج کے تحت حکومت کمرشل اور صنعتی یونٹس کے 3 ماہ کے بجلی کے بل خود ادا کرے گی۔

یہ بھی پڑھیئے: لاک ڈاؤن، وزیرِ اعظم کی نوجوانوں کو کتاب پڑھنے کی تجویز

چھوٹا کاروبار امدادی پیکیج کے لیے وفاقی حکومت نے 50 ارب روپے مختص کیے ہیں، پیکیج سے ملک بھر میں 33 لاکھ چھوٹے یونٹس چلانے والے مستفید ہوں گے۔

3 ماہ کے بجلی کے بل کی تخمینہ رقم چھوٹا کاروبار کرنے والے کے مئی کے بل میں بھیج دی جائے گی۔

کورونا ریلیف فنڈ کے تحت مزدور احساس پروگرام بھی ساتھ ہی شروع ہو جائے گا، جس سے لاکھوں بے روزگار اور دیہاڑی دار مستفید ہوں گے۔