آپ آف لائن ہیں
جمعرات10؍ذیقعد 1441ھ2؍جولائی2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

لاہور کے تاجروں کا 10 مئی کو مارکیٹس کھولنے کا فیصلہ

لاہور میں تمام بڑی مارکیٹوں کے صدور نے 10 مئی کو ازخود مارکیٹس کھولنے کا فیصلہ کرلیا ہے۔

لاہور چیمبر کے صدر عرفان اقبال شیخ نے کہا کہ 10مئی کو دکانیں کھولنے کی اجازت نہ دی گئی تو جیل بھرو تحریک شروع کریں گے۔

انہوں نے کہا کہ اگر 9 مئی کو ریلیف نہ دیا تو تاجر ازخود دکانیں کھولنے کی طرف جائیں گے۔

عرفان اقبال شیخ نے کہا کہ حکومت کی طرف سے تاجروں کو فوری طور پر مارکیٹ کھولنے کی اجازت دی جائے۔

صدر لاہور چیمبر نے کہا کہ وزیراعلیٰ پنجاب کہتے ہیں کہ سفارشات بنا کر وفاق کو بھجوا دی ہیں۔

لاہور چیمبر میں 100 سے زائد مارکیٹوں اور انجمن تاجران کے عہدیداروں کا مشاورتی اجلاس ہوا، جس میں تاجروں نے مطالبہ کیا کہ مارکیٹوں اور چھوٹی انڈسٹری کیلئے لاک ڈاؤن فوری طور پر کھولا جائے۔

تاجروں نے مطالبہ کیا کہ حفاظتی اقدامات کے ساتھ 9 مئی کے بعد کاروبار کرنے کی اجازت دی جائے۔

انجمن تاجران کا کہنا ہے کہ ہول سیل اور دیگر مارکیٹوں کو ہفتے میں 4 دن کاروبار کی اجازت دی جائے۔

صدر اعظم کلاتھ مارکیٹ نے کہا کہ 10 مئی کو اعظم کلاتھ مارکیٹ کھول دیں گے، اگر حکومت ایس او پی بنا کر دے گی تو عمل کریں گے۔

تجارتی خبریں سے مزید