فرمان الہی
نماز کے اوقات
اسٹرنگز بینڈ کے رکن اور نامور کمپوزر و گلوکار بلال مقصود نے سماجی ویب سائٹ اسنیپ چیٹ کا استعمال کرتے ہوئے اپنا پرانا ’گانا ’سوہنئے‘ نئے انداز میں گا کر مداحوں کے دل جیت لیے۔
ملک بھر میں جاری لاک ڈاؤن کے باعث از خود تنہائی اختیار کئے گلوکار بلال مقصود بہترین وقت گزاری کے لیے اسنیپ چیٹ فلٹرز کا استعمال کرتے ہوئے ویڈیوز شیئر کرکے اپنے مداحوں کے دل جیت رہے ہیں۔
بلال مقصود کی جانب سے انسٹاگرام پر شیئر کی گئی اپنی منفرد ویڈیو میں وہ اپنا ایک پرانا گانا ’سوہنئے‘ گنگنا رہے ہیں۔
بلال مقصود کا بینڈ ’اسٹرنگز‘ کا گانا سوہنئے 2003 میں ریلیز کئے گئے البم ’دھانی‘ کا ایک مقبول گانا ہے۔
یاد رہے کہ اس سے قبل ازخود تنہائی اختیار کئے بلال مقصود کبھی اپنے دونوں ہاتھوں سے لاک ڈاؤن کی عکاسی کرتا اسکیچ بنا کر مداحوں کو حیران کررہے ہیں تو کبھی والد انور مقصود کے ساتھ لائیو سیشن رکھ کر دل جیت رہے ہیں۔
اسٹرنگز بینڈ کے بنانے والوں میں شامل بلال مقصود انور مقصود کے بیٹے ہیں جن کا شمار پاکستان کے مشہور مصنف، شاعر اور مصوروں میں ہوتا ہے۔
