خیبر پختون خوا میں ٹرانسپورٹ چلانے کی اجازت دیدی، اجمل وزیر

خیبر پختون خوا کے مشیرِ اطلاعات اجمل وزیر کا کہنا ہے کہ پورے صوبے میں ٹرانسپورٹ چلانے کی اجازت دی ہے، ڈرائنگ روم میں نہیں بیٹھے وزیرِ اعلیٰ کی قیادت میں گراؤنڈ پر ہیں۔

لاک ڈاؤن میں نرمی حکومت اور عوام کی آزمائش ہے، اجمل وزیر

اجمل وزیر نے کہا کہ خیبرپختونخوا میں ایک دن میں 49 کورونا مریض صحت یاب ہو گئے ہیں، جس کے بعد صوبے میں کورونا سے صحت یاب ہونے والوں کی مجموعی تعداد 1033 ہوگئی ہے۔

پشاور میں میڈیا کو بریفنگ دیتے ہوئے خیبر پختون خوا کے مشیرِ اطلاعات اجمل وزیر نے کہا کہ تمام فیصلے عوام کے تحفظ کے لیے کیے ہیں۔

انہوں نے کہا کہ جہاں ایس اوپیز پر عمل نہیں ہوگا وہاں ایکشن لیں گے، کورونا وائرس کی وباء اور غربت کے خلاف جنگ لڑنی ہے۔

یہ بھی پڑھیئے: ’اپیل ہے لاک ڈاؤن میں نرمی کا غلط فائدہ نہ اٹھائیں‘

مشیر اطلاعات خیبر پختونخوا نے مزید کہا کہ حکومت نے لاک ڈاؤن میں نرمی کی، تاجر ایس اوپیز پر عمل کرائیں، ایس او پیز پر عمل ہوا تو لاک ڈاؤن میں مزید نرمی کریں گے۔

انہوں نے یہ بھی کہا کہ جہاں ایس اوپیز کی خلاف ورزی ہوگی ایکشن لیا جائے گا، کورونا وائرس کی وباء کے ساتھ رہ کر اس کا مقابلہ کرنا ہے۔