عمران اسماعیل اور غلام سرور کی انصار نقوی کے گھر آمد

گورنر سندھ عمران اسماعیل اور وفاقی وزیر غلام سرور خان نے گزشتہ روز طیارہ حادثے میں جاں بحق ہونے والے سینئر صحافی انصار نقوی کے گھر جاکر اُن کے اہلخانہ سے ملاقات کی۔

ترجمان کے مطابق گورنر سندھ عمران اسماعیل اور وفاقی وزیر غلام سرور خان نے انصار نقوی کی اہلیہ رکن سندھ اسمبلی رعنا انصار سے افسوس کا اظہار کیا۔

کراچی، تباہ ہونے والے طیارے میں سینئر صحافی بھی سوار تھے

کراچی میں گر کر تباہ ہونے والے طیارے میں سینئر صحافی اور ٹونٹی فور نیوز ٹی وی کے ڈائریکٹر پروگرامنگ انصار علی نقوی بھی سوار تھے، وہ لاہور سے عید کی چھٹیاں بنانے کے لیے کراچی آرہے تھے جہاں سے انہوں نے حیدرآباد جانا تھا۔

یاد رہے کہ سینئر صحافی اور ٹوئنٹی فور نیوز ٹی وی کے ڈائریکٹر پروگرامنگ انصار نقوی گزشتہ روز حادثے کے شکار طیارےکے مسافروں میں تھے، وہ لاہور سے عید کی چھٹیاں بنانے کے لیے کراچی آرہے تھے جہاں سے انہوں نے حیدرآباد جانا تھا۔