سعودی عرب کے صوبے عسیرریجن میں موسلادھار بارشوں کے باعث دو افراد جاں بحق ہوگئے ہیں۔
سعودی عرب کے محکمہ شہری دفاع کے مطابق عسیرریجن میں سیلابی ریلےمیں بہہ کر 2 افراد جاں بحق ہوگئے ہیں جبکہ کئی گاڑیاں بہہ گئیں۔
ترجمان ابہا کا کہنا ہے کہ عسیرریجن میں سیلابی ریلے میں گاڑی میں پھنسے 4 افراد کو بچالیا گیا ہے۔
دوسری جانب مکہ مکرمہ ریجن کی 4 کمشنریوں،جدہ، قنفذہ، رابغ اور اللیث میں گرد آلود ہوائیں چل رہی ہیں۔
میڈیا رپورٹس کے مطابق مدینہ منورہ کمشنری الوادی الفرع میں شدید بارش کے بعد سیلابی ریلےکی صورتحال پیدا ہوگئی ہے۔