آپ آف لائن ہیں
جمعہ18؍ذیقعد 1441ھ 10؍جولائی 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

سعودی عرب: ڈھائی ہزار پاکستانی کورونا سے متاثر

سعودی عرب میں کورونا وائرس سےمتاثر ہونے والے پاکستانیوں کی کل تعداد 2 ہزار 500 ہے جبکہ اس وبا سمیت دیگر بیماریوں سے اب تک 100 کے قریب پاکستانی زندگی کی بازی ہار چکے۔

سفیر پاکستان راجا علی اعجاز نے آل پارٹیز زوم کانفرنس سے خطاب کرتے ہوئے کہا کہ ہم سب کو انفرادی طور پر اس چیلنج کا مقابلہ کرنا ہے۔ کورونا کے باعث انتقال کرنے والے پاکستانیوں کی میتوں کے علاوہ دیگر چند میتوں کو وطن بھجوانے کی کوشش جاری ہے۔

راجا علی اعجازنے مزید کہا کہ مخیر حضرات کے تعاون سے ضرورت مند افراد کو راشن پہنچانے کا کام بھی جاری ہے جبکہ سفارتخانے کی جانب سے ایکسپائر ہونے والے تمام پاسپورٹ کی ایک سال کے لئے تجدید کی جا رہی ہے۔

بین الاقوامی خبریں سے مزید