آپ آف لائن ہیں
منگل22؍ذیقعد 1441ھ 14؍جولائی 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

سعودی عرب سے 294 پاکستانیوں کی وطن واپسی، قرنطینہ میں منتقل

 سعودی عرب میں کورونا وائرس لاک ڈاؤن کی وجہ سے پھنسے پاکستانیوں میں سے 294 ہم وطنوں کو لے کر قومی ایئر لائن کی پرواز کراچی پہنچ گئی۔ 

پی آئی اے کی فلائٹ پی کے 8732 سے کراچی پہنچنے والے مسافروں کی جناح انٹرنیشنل ایئرپورٹ پر کورونا وائرس کی اسکریننگ کی گئی اور تھرمل اسکینر سے کلیئر مسافروں کا طبی معائنہ بھی کیا گیا۔

 سندھ حکومت کے محکمہ صحت کے ذرائع کے مطابق وطن واپس پہنچنے والے مسافروں میں خواتین اور بچے بھی شامل ہیں، جن کے کورونا وائرس ٹیسٹ کے لیے سیمپل بھی لے گئے ہیں۔ 

ٹیسٹ کی حتمی رپورٹ آنے تک تمام مسافروں کو آئسولیٹ کیا جا رہا ہے۔ مسافروں کو نادرن بائی پاس پر لیبر فلیٹس میں قائم قریطینہ سینٹر منتقل کردیا گیا ہے۔

 جبکہ قیام و طعام کے اخراجات برداشت کرنے والے مسافروں کو کراچی ایئرپورٹ اور شاہراہ فیصل پر واقع ہوٹلوں میں آئسولییٹ کیا گیا ہے۔

 سرکاری ذرائع کے مطابق مختلف ملکوں سے پاکستان واپس آنے والے مسافروں کو کم ازکم 48 گھنٹے تک کے لیے آئسولیشن میں رکھا جاتا ہے۔

قومی خبریں سے مزید