آپ آف لائن ہیں
بدھ23؍ذیقعد 1441ھ 15؍ جولائی 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

گورنر سندھ کا مرتضیٰ بلوچ کے انتقال پر اظہار افسوس

گورنر سندھ عمران اسماعیل نے سندھ کے وزیر کچی آبادی مرتضیٰ بلوچ کے انتقال پر افسوس کا اظہار کیا ہے۔

ترجمان کے مطابق گورنر سندھ نے مرحوم کی مغفرت اور درجات کی بلندی کے لئے دعا کی ہے۔

واضح رہے کہ سندھ کے وزیر کچی آبادی غلام مرتضیٰ بلوچ کورونا وائرس کا شکار ہوکر جان کی بازی ہار گئے۔ وہ کئی دنوں سے وینٹی لیٹر پر تھے۔

مرتضٰی بلوچ ملیر سے رکن سندھ اسمبلی منتخب ہوئے تھے۔ اس سے قبل وہ 2016 میں ضمنی انتخاب میں کامیاب ہوئے تھے۔ اکتوبر 2018 میں غلام مرتضیٰ بلوچ کو صوبائی کابینہ میں بطور وزیر شامل کیا گیا تھا۔

ان کے انتقال پر سابق صدر آصف علی زرداری، بلاول بھٹو زرداری، گورنر سندھ عمران اسماعیل اور وزیر اعلیٰ سندھ مراد علی شاہ سمیت پارٹی رہنماؤں نے دکھ کا اظہار کیا ہے اور مرحوم کے درجات کی بلندی کے لئے دعا بھی کی۔

قومی خبریں سے مزید