کورونا سے بچاؤ کیلئے برقی ماسک تیار

ترک سائنسدانوں نے کورونا سمیت مختلف اقسام کے وائرس کو مارنے والا برقی ماسک بنایا ہے جو ایک مرتبہ چارج ہونے کے بعد 12 گھنٹے تک کام کرتا رہتا ہے۔

ماہرین کا دعویٰ ہے کہ ان کا تیارکردہ ماسک وائرس، جراثیم اور نئے کورونا وائرس کو تلف کرسکتا ہے۔ اس طرح کورونا سمیت کئی طرح کے جراثیم اور وائرس کو ختم کیا جاسکتا ہے۔

  سائنسدانوں نے ماسک میں الٹراوائلٹ روشنی کا انتظام کیا ہے جو جراثیم مارنے میں مدد دیتی ہیں۔

سائنسدانوں کا کہناہے کہ الٹراوائلٹ روشنی کو جراثیم مارنے کیلئے براہ راست جلد پر استعمال نہیں کیا جاسکتا کیونکہ اس سے سرطان لاحق ہونے کا خطرہ بھی ہوسکتا ہے۔

کون سا ماسک استعمال کریں، کس طرح ٹھکانے لگائیں؟

دنیا بھر میں کورونا وائرس پھیلتے ہی ماسک کا استعمال بڑھ گیا، کون سا ماسک استعمال کرنا ہے، اس ماسک کو کس طرح ضائع کرنا ہے؟ یہ طبی ماہرین نے بتا دیا ہے۔

الٹراوائلٹ روشنی سے بچاوُ کیلئے  سائنسدانوں نے چاندی کے اوراق لگائے ہیں جو کہ جراثیم مارنے کیلئے جانے جاتے ہیں۔ یہ ماسک ایک برقی فلٹر کے طور پر کام کرتا ہے جو جراثیم کو جسم میں داخل ہونے سے پہلے ہی مار ڈالتا ہے۔

اس ماسک کو پاور بینک کی مدد سے بھی چارج کیا جاسکتا ہے۔