بلدیہ عظمیٰ کراچی کے سینئر ڈائریکٹر ہیومن ریسورس معطل

محکمہ بلدیات سندھ نے بلدیہ عظمیٰ کراچی میں بھرتیوں کے لئے دئیے گئے اشتہار کو خلاف ضابطہ قرار دینے کے بعد سینئر ڈائریکٹر ہیومن ریسورس جمیل فاروقی کو معطل کر دیا ہے۔

سیکریٹری بلدیات سندھ کے مطابق بھرتیوں میں بے قاعدگیوں پر جمیل فاروقی کو معطل کیا گیا ہے، جبکہ بلدیہ عظمیٰ کراچی کو نئی بھرتیاں کرنے سے روک دیا ہے۔

انہوں نے بتایا کہ سندھ کابینہ نے بھرتیوں کے لئے طریقہ کار کی منظوری دی ہے، بلدیہ عظمیٰ میں بھرتیوں کے لئے مروجہ طریقہ اختیار نہیں کیا گیا تھا، بھرتیوں کے معاملے کی تحقیقات کی جا رہی ہیں۔