• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

گورنرسندھ سے سی ای او کے۔الیکٹرک کی ملاقات، لوڈشیڈنگ پر گورنر کی برہمی

تازہ ترین
قومی خبریں
26 جون ، 2020


گورنر سندھ عمران اسماعیل  سے کے۔الیکٹرک کے چیف ایگزیکٹو مونس عبداللّٰہ نے کراچی میں ملاقات کی۔

ترجمان گورنر ہاؤس کے مطابق اس موقع پر گورنرسندھ عمران اسماعیل نے شہر میں غیراعلانیہ لوڈ شیڈنگ پر سخت برہمی کا اظہار کیا اور کہا کہ غیراعلانیہ لوڈ شیڈنگ کراچی کے شہریوں کے ساتھ نا انصافی ہے، صورتحال کا تدارک کرکے لوگوں کو جلد از ریلیف دیا جائے۔

گورنر سندھ نے کہا کہ وفاق کی جانب سے کے۔الیکٹرک کو اضافی گیس مہیا کی جارہی ہے، اس کے باوجود اس طرح کی صورتحال کا پیدا ہونا تشویشناک ہے۔ 

گورنر عمران اسماعیل نے کہا کہ کے۔الیکٹرک کو اضافی فرنس آئل حبکو سے مہیا کیا جائے گا، وفاق کے۔الیکٹرک کو 650 میگا واٹ بجلی فراہم کرنے کا پابند ہے، شہریوں کی سہولت کے لئے وفاق اضافی 500 میگا واٹ بجلی دینے کو تیار ہے۔

سی ای او کے۔الیکٹرک نے کہا کہ فرنس آئل کی کمی کی وجہ سے دو پاور پلانٹ بند ہیں، وفاق سے اضافی فرنس آئل ملنے سے بجلی بحران پر قابو پانے میں مدد ملے گی۔

ترجمان گورنر ہاؤس کے مطابق سی ای او کے الیکٹرک نے اس موقع پر 24 گھنٹوں میں بہتری کی یقین دہانی کرائی اور گورنر سندھ کو یقین دلایا کہ کے۔الیکٹرک 48 گھنٹوں میں لوڈشیڈنگ پر قابوپالے گا۔

تازہ ترین