پیٹرولیم قیمتوں میں اضافے کیخلاف درخواست، فوری سماعت کی استدعا مسترد

سندھ ہائیکورٹ نے پیٹرولیم مصنوعات کی قیمتوں میں اضافے کے خلاف درخواست کی فوری سماعت کی استدعا مسترد کردی۔

درخواست گزار مولوی اقبال حیدر نے موقف اختیارکیا ہے کہ وفاقی حکومت نے اوگرا کی مشاورت کے بغیر قیمتوں میں اضافہ کیا، پیٹرول کی قیمت فوری طور پرکم کرنے کا حکم دیا جائے۔

سندھ ہائیکورٹ نے فوری سماعت کی استدعا مسترد کرتے ہوئے ریمارکس دیئے کہ درخواست کی فوری سماعت نہیں کرسکتے۔

درخواست میں وفاقی حکومت، سیکریٹری پٹرولیم، چیئرمین اوگرا و دیگرکو فریق بنایا گیا ہے۔