آپ آف لائن ہیں
منگل20؍ذی الحج 1441ھ 11؍اگست 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

کراچی: بارش کے دوران مختلف حادثات میں 3 بچوں سمیت 5 افراد جاں بحق


کراچی میں بارش کے دوران دیواریں و چھتیں گرنے اور کرنٹ لگنے سے 3 بچوں سمیت 5 افراد جاں بحق ہوگئے۔

ریسکیو ذرائع کے مطابق ابراہیم حیدری میں مکان کی چھت گرنے سے 2 افراد جاں بحق ہوئے ہیں۔

اورنگی ٹاؤن کے علاقے مومن آباد میں گھر میں کرنٹ لگنے سے بچہ جاں بحق ہوا ہے۔

دوسری جانب ملیر کے علاقے شمسی سوسائٹی کے قریب گھر کی دیوار گرنے سے 3 سال کی بچی جاں بحق ہوئی ہے۔

کراچی میں ملیر سے آئی ائی چندیگر روڈ تک بادل خوب جم کر برسے۔

شہر میں نہ صرف پہلی بارش نے ہی انتظامیہ کی تیاریوں قلعی کھول دی بلکہ کے-الیکٹرک کے دعوے بھی دھر کے دھرے رہ گئے۔

مختلف سڑکیں زیر آب آنے سے ٹریفک کی روانی بھی شدید متاثر ہوگئی اور گاڑیوں کی لمبی قطاریں لگ گئیں۔

قومی خبریں سے مزید