کراچی بارش، حنا الطاف اور آغا کا مزاحیہ پیغام

حال ہی میں رشتہ ازدواج میں منسلک ہونے والی حنا الطاف اور آغا کی جوڑی نے کراچی میں مون سون کی  پہلی بارش میں لطف اندوز ہوئے مداحوں کو  لوڈشیڈنگ کی مبارکباد دے دی۔

سماجی رابطے کی ویب سائٹ انسٹاگرام پر حنا الطاف نے آغا علی کے ہمراہ ایک تصویر شیئر کرتے ہوئے مون سون کی پہلی بارش کی خوشیوں کی مبارکباد تو دی ہی لیکن ساتھ ہی مزاحیہ انداز اپناتے ہوئے لوڈشیڈنگ کی مبارکباد بھی دے دی۔

حنا الطاف کی پوسٹ سے انداہ ہوتا ہے کہ کراچی میں بارش کے بعد بجلی کے بدترین بحران کا وہ بھی شکار رہی ہیں، اور ازراہِ مذاق انہوں نے مداحوں کو بھی اس بات سے آگاہ کردیا۔

دوسری جانب آغا علی نے بھی ایک تصویر شئیر کی جس میں حنا الطاف اُن کا ڈمپل چھپا رہی ہیں۔

تصویر دیکھنے سے تو اندازہ نہیں ہوتا کہ حنا یہ جان بوجھ کر کر رہی ہیں یا یہ محض ایک پوز ہے لیکن آغا علی نے اپنی تصویر کے کیپشن میں اس چیز کی نشاندہی کی۔

آغا علی نے لکھا کہ ’حنا الطاف میرا ڈمپل چھپانے کی ناکام کوشش کررہی ہیں، اور ان کی اس ڈمپل چھپانے کی وجہ انہیں خود بھی نہیں معلوم۔‘

آغا اور حنا کے مداحوں کی جانب سے دونوں کی دلکش تصویروں پر  بڑی تعداد میں کمنٹس کر کے پسندیدگی کا اظہار کیا جارہا ہے۔

حنا الطاف اور آغا علی نے نکاح کرلیا

پاکستانی اداکارہ حنا الطاف اور اداکار و گلوکار آغا علی گزشتہ روز نکاح کے بندھن میں بندھ گئے۔

واضح رہے کہ آغا علی اور حنا الطاف جمعۃ الودع کو خاموشی سے رشتۂ ازدواج میں منسلک ہو گئے تھے۔

اپنے نکاح کی خبر دونوں نے سوشل میڈیا پوسٹ کے ذریعے مداحوں سے شیئر کی تھی۔