فارن فنڈنگ کیس میں تاخیری حربے استعمال ہوئے، اکبر ایس بابر

پاکستان تحریک انصاف کے سابق عہدے دار اکبر ایس بابر کاکہنا ہے کہ تحریک انصاف اور عمران خان سے اداروں کو کام سے روکنے کی توقع نہیں تھی، فارن فنڈنگ کیس میں تاخیری حربے استعمال کیے گئے ہیں۔

پی ٹی آئی کے سابق رہنما اکبر ایس بابر نے کہا کہ میں ثبوت کے ساتھ کہہ رہا ہوں تحریک انصاف نے فنڈنگ قوانین کی دھجیاں اڑائی ہیں ۔

پی ٹی آئی غیرملکی فنڈنگ کیس: اسکروٹنی کمیٹی 17 اگست تک رپورٹ جمع کرائے، الیکشن کمیشن

پاکستان تحریک انصاف کے غیر ملکی فنڈنگ کیس میں الیکشن کمیشن نے اسکروٹنی کمیٹی کو 17 اگست تک رپورٹ جمع کرانے کی ہدایت کر دی۔

اکبرایس بابر نے اپنے ایک بیان میں کہا کہ ہمیں الیکشن کمیشن پر مکمل اعتماد ہے جب تمام ریکارڈ آئے گا تو حقیقت سامنے آجائے گی۔

انہوں نے کہا کہ میرا مقصد تحریک انصاف پر پابندی نہیں بلکہ جو لوگ ملوث ہیں ان کو جوابدہ ہونا چاہیے ،کیونکہ ہم نے تحریک انصاف کسی شخصیت کے لیے نہیں بنائی تھی۔

سابق رہنما کا کہنا تھا کہ تحریک انصاف اس لیے بنائی تھی کہ یہ لیڈر شپ کے لیے ماڈل ادارہ بنے گا۔