عائشہ خان کا شوہر کیلئے محبت بھرا پیغام

شوبز انڈسٹری کو خیر باد کہنے والی پاکستانی اداکارہ عائشہ خان نے سوشل میڈیا پر اپنے شوہر میجر عقبہ کے لیے محبت بھرا پیغام جاری کیا ہے۔

عائشہ خان نے اپنے شوہر میجر عقبہ کی سالگرہ کے موقع پر سماجی رابطے کی ویب سائٹ انسٹاگرام پر شوہر کے ہمراہ اپنی ایک تصویر پوسٹ کی ہے اور اُس کے ساتھ ہی میجر عقبہ کے لیے محبت بھرا پیغام بھی لکھا ہے۔

عائشہ خان نے اپنے شوہر کو سالگرہ کی مبارکباد دیتے ہوئے لکھا کہ ’میری زندگی کو اپنے پیار اور محبت سے روشن کرنے کے لیے آپ کا بہت شکریہ۔‘

اُنہوں نے لکھا کہ ’آپ نے ہمیشہ مجھے اپنے وعدے سے بڑھ کر خوشیاں دی ہیں اور میں اس کے لیے آپ کی بےحد شُکر گزار ہوں۔‘

عائشہ خان نے مزید لکھا کہ ’واقعی میں میری ہر خوشی صرف آپ سے ہے۔‘

عائشہ خان کی بیٹی اور شوہر کیساتھ تصویر وائرل

شوبز انڈسٹری کو خیر باد کہنے والی پاکستانی اداکارہ عائشہ خان کی اپنے شوہر میجر عقبہ اور بیٹی ماہ نور کے ساتھ تصاویر سوشل میڈیا پر وائرل ہوگئی ہیں۔

واضح رہے کہ 15 اپریل 2018 کو عائشہ خان اور میجر عقبہ ایک سادہ مگر پروقار تقریب میں شادی کے بندھن میں بندھے تھے جس میں عزیز و اقارب سمیت قریبی دوستوں نے شرکت کی تھی۔

اُن کے ہاں گزشتہ سال 12 ربیع الاول کو بیٹی کی پیدائش ہوئی تھی جس کا نام اُنہوں نے ’ماہ نور‘ رکھا۔