آپ آف لائن ہیں
پیر19؍ذی الحج 1441ھ 10؍اگست 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

وزیر اعظم رواں ہفتے کہوٹہ کا دور ہ کریں گے

وزیر اعظم عمران خان نے رواں ہفتے لاہور سے قبل راولپنڈی کے علاقے کہوٹہ کا دورہ کرنے کا فیصلہ کیا ہے۔

ذرائع کا کہنا ہے کہ وزیراعظم عمران خان 17 جولائی کو کہوٹہ کا دورہ کریں گے، جہاں وہ شجر کاری مہم کا افتتاح بھی کریں گے۔

مشیر ماحولیاتی تبدیلی ملک امین اسلم، صداقت عباسی اور کمشنر راولپنڈی بھی وزیراعظم کے ہمراہ ہوں گے، جبکہ وزیر اعظم کے دورہ کہوٹہ کے باعث لاہور شجر کاری مہم کے شیڈول میں تبدیلی کردی گئی۔

ذرائع کا کہنا ہے کہ وزیراعظم عمران خان اب رواں ہفتے کے بجائے آئندہ ہفتے لاہور کا دورہ کریں گے، عمران خان لاہور کو ہرا بھرا شہر بنانے کیلئے پنجاب کی شجرکاری مہم کا آغاز لاہور سےکریں گے۔

ذرائع کا کہنا ہے کہ وزیراعظم عمران خان کو مقامی پودوں کی اہمیت کے بارے میں آگاہ کیا جائے گا، عمران خان شجرکاری اور درختوں کے تحفظ کو یقینی بنانے کے اقدام کا آغاز بھی کریں گے۔

ذرائع کا کہنا ہے کہ کہوٹہ میں درخت کاٹنے اور جنگلی حیات کو نقصان پہنچانے کی شکایات آرہی تھیں۔

قومی خبریں سے مزید