• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

کورونا نے دیگر بیماریوں میں مبتلا افراد پر کاری وار کیا، رپورٹ

تازہ ترین
قومی خبریں
14 جولائی ، 2020


پاکستان میں کورونا وائرس نے دیگر بیماریوں میں مبتلا مریضوں پر کاری وار کیا ہے۔

محکمہ صحت سندھ نے کورونا وائرس سے متعلق رپورٹ وزیراعلیٰ سندھ سید مراد علی شاہ کو پیش کردی۔

رپورٹ کے مطابق کورونا سے ہونے والی ہلاکتوں میں 71 فیصد افراد دیگر بیماریوں میں بھی مبتلا تھے۔

یہ بھی پڑھیے: کورونا نے مزید 50 افراد کی جان لے لی

رپورٹ کے مطابق کورونا وائر سے مرنے والوں میں 3 ہزار 362 افراد ایسے تھے، جنہیں دیگر بیماریاں بھی لاحق تھیں۔

محکمہ صحت سندھ کی رپورٹ کے مطابق کورونا وائرس ایسے افراد کو زیادہ متاثر نہیں کرسکا جو پہلے سے بیماریوں کا شکار نہیں تھے، ایسے افراد کی تعداد 1 ہزار 377 تھی۔

سندھ: کورونا کے 9972 ٹیسٹ، 1151 نئے کیسز کی تشخیص ہوئی، وزیراعلیٰ

وزیراعلیٰ سندھ سید مراد علی شاہ نے کہا ہے کہ گزشتہ 24 گھنٹوں کے دوران کورونا وائرس کے 9972 ٹیسٹ کئے گئے جس میں سے 1151 مثبت کیسز کی تشخیص ہوئی۔

رپورٹ کے مطابق کورونا وائرس سے مرنے والے 29 فیصد افراد کو کوئی اور بیماری نہیں تھی۔

ملک میں مجموعی طور پر وبائی مرض سے جاں بحق افراد کی تعداد 5ہزار 266 ہوچکی ہے۔

تازہ ترین