ایئر مارشل ارشد ملک کی بطور CEO پی آئی اے کانٹریکٹ میں توسیع

ایئرمارشل ارشد ملک کی بطور چیف ایگزیکٹو افسر (سی ای او) پاکستان انٹر نیشنل ایئرلائنز (پی آئی اے) کانٹریکٹ میں توسیع کردی گئی۔

اس حوالے سے جاری کردہ نوٹیفکیشن کے مطابق ایئرمارشل ارشد ملک 25 اپریل 2022 تک قومی ایئرلائنز کے سی ای او رہیں گے۔

واضح رہے کہ ایئرمارشل ارشد ملک کی بطور سی ای او پی آئی اے توسیع کی منظوری وفاقی کابینہ نے دی تھی۔

پی آئی اے میں اصلاحات پر وزیراعظم سے ارشد ملک کی ملاقات

اسلام آباد میں ہونے والی ملاقات میں سی ای او پی آئی اے نے وزیراعظم کو یورپ کے لیے قومی ایئرلائن کے فلائٹ آپریشن سے متعلق جاری مذاکرات پر بریفنگ دی۔

نوٹیفکیشن کے مطابق سید حسنین عباس کاظمی کو ایک سال کی توسیع دی گئی ہے، ان کے عہدے کی معیاد میں توسیع رواں ماہ 3 جولائی سے شمار ہوگی۔

اس میں بتایا گیا کہ سید حسنین عباس کاظمی ایم پی 2 اسکیل میں تعینات ہیں۔