• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پاکستان ٹیم کا ڈربی میں ٹریننگ سیشن، عابد علی بھی شریک

تازہ ترین
کھیلوں کی خبریں
22 جولائی ، 2020
جنگ نیوز

ڈربی میں پاکستان کرکٹ ٹیم کا بھرپور ٹریننگ سیشن ہوا جس میں اوپنر عابد علی نے بھی حصہ لیا۔

ڈربی میں موجود پاکستان کرکٹ ٹیم کی انگلینڈ کے خلاف سیریز کے لیے بھرپور تیاریاں جاری ہیں۔

کھلاڑیوں نے ایک دن کے آرام کے بعد دوبارہ سے میدان کا رُخ کیا۔

جنگ نیوز

ساڑھے تین گھنٹے تک جاری رہنے والے سیشن میں کرکٹرز نے فزیکل ٹریننگ کے بعد فیلڈنگ کی مختلف ڈرلز کیں جس میں تھرو اور سلپ میں کیچز کی بھی پریکٹس شامل تھی۔

اس کے بعد کھلاڑیوں نے نیٹ پر بیٹنگ اور بولنگ کی بھی پریکٹس کی۔

پہلے چار روز انٹرا اسکواڈ پریکٹس میچ میں ان فٹ ہونے والے عابد علی نے بھی آرام کے بعد ٹریننگ میں حصہ لیا۔

جنگ نیوز

پاکستانی کرکٹرز جمعے سے دوسرے چار روزہ انٹرا اسکواڈ پریکٹس میچ میں بھی شرکت کریں گے۔

تازہ ترین