آپ آف لائن ہیں
جمعہ23؍ذی الحج 1441ھ14؍اگست2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

اسٹورٹ براڈ ٹیسٹ کرکٹ میں 500 وکٹیں لینے والے ساتویں کھلاڑی بن گئے

انگلینڈ کرکٹ ٹیم کے فاسٹ بولر اسٹورٹ براڈ ٹیسٹ کرکٹ میں 5 سو وکٹیں لینے والے دنیا کے ساتویں بولر بن گئے۔

انگلش بولر نے یہ کارنامہ ویسٹ انڈیز کے خلاف حالیہ سیریز کے تیسرے اور آخری ٹیسٹ میں انجام دیا۔

اسٹورٹ براڈ کریگ بریٹ ویٹ کی وکٹ لے کر 500 کلب میں شامل ہوئے اور یہ کارنامہ انجام دینے والے انگلینڈ کے دوسرے بولر بنے۔

ان سے قبل انگلینڈ کے جیمز اینڈرسن بھی فائیو ہنڈریڈ کلب میں شامل ہوچکے ہیں۔ 

ٹیسٹ کرکٹ میں سب سے زیادہ وکٹیں لینے کا ریکارڈ اب بھی سری لنکن اسپنر مرلی دھرن کے پاس ہے۔

مرلی دھرن نے ٹیسٹ کرکٹ میں 800 وکٹیں لیں، تاہم ان کے بعد دوسرے نمبر پر آسٹریلین اسپنر شین وارن ہیں جن کی وکٹوں کی تعداد 708 ہے۔

بھارتی اسپنر انیل کمبلے 619 وکٹیں لے کر تیسرے، جیمز اینڈرسن 589 وکٹیں لے کر چوتھے، آسٹریلیا کے گلین میک گرا 563 وکٹیں لے کر پانچویں اور ویسٹ انڈیز کے کورٹنی والش 519 وکٹیں لے کر چھٹے نمبر پر موجود ہیں۔ 

واضح رہے کہ آج سے 19 سال قبل ویسٹ انڈیز کے لیجنڈری فاسٹ بولر کورٹنی والش 500 وکٹیں لینے والے پہلے بولر بنے تھے۔

کھیلوں کی خبریں سے مزید