آپ آف لائن ہیں
جمعہ23؍ذی الحج 1441ھ14؍اگست2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

معروف کرکٹ صحافی منیر حسین کو ہم سے بچھڑے 7 سال بیت گئے

پاکستان کے مشہور کرکٹ صحافی منیر حسین کو ہم سے بچھڑے 7 سال گزر گئے، لیکن ان کی کرکٹ کے حوالے سے خدمات آج بھی اُن کے مداحوں کو یاد ہیں، مرحوم منیر حسین نے پاکستان میں اردو کمنٹری کو بھی رائج کروایا۔

پاکستان میں اردو کرکٹ کمنٹری کے بانی، مرحوم منیر حسین، جو کرکٹ کمنٹریٹر، ممتاز صحافی اور کرکٹ ایڈمنسٹریٹر، کے طور پر مشہور ہوئے۔

وہ 29 نومبر 1929 کو بھارت کے شہر امرتسر میں پیدا ہوئے، ان کی کرکٹ کے لیے خدمات قوم کی آج بھی یاد ہیں۔

معروف کرکٹ صحافی منیر حسین کو ہم سے بچھڑے 7 سال گزر گئے
منیر حسین سابق بھارتی ٹیسٹ کرکٹر سنیل گواسکر کے ساتھ

منیر حسین فرسٹ کلاس کرکٹر بھی رہے، 1969 میں پاکستان کے کلب ٹورنامنٹ کے فائنل میں ٹیلی وژن اور ریڈیو پر اردو کمنٹری کو متعارف کروایا۔

مرحوم منیر حسین کراچی کرکٹ کے صدر بھی رہے، انہوں نے اردو زبان میں کرکٹ میگزین اخبارِ وطن کا اجرا بھی کیا۔ جس میں شامل کھلاڑیوں کی رنگا رنگ تصاویر نے کرکٹ شائقین اور مداحوں میں زبردست پزیرائی حاصل کی۔

منیر حسین کو پاکستان براڈکاسٹنگ کارپوریشن نے لائف ٹائم اچیومنٹ ایوارڈ بھی دیا، انھوں نے 29 جولائی 2013 کو کراچی میں وفات پائی۔

کھیلوں کی خبریں سے مزید