آپ آف لائن ہیں
پیر10؍صفر المظفّر 1442ھ 28؍ستمبر 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

اظہر نے پرفارم نہ کیا تو مینجمنٹ کو کسی اور کو آزمانا ہوگا، کامران اکمل

ٹیسٹ وکٹ کیپر بیٹسمین کامران اکمل کاکہنا ہے کہ کپتان اظہر علی نے پرفارم نہیں کیا تو مینجمنٹ کو اس کی جگہ کسی اور کو آزمانا پٹرے گا۔

جیو نیوز کے پروگرام اسکور میں گفتگو کرتے ہوئے ٹیسٹ وکٹ کیپر کامران اکمل نے کہا کہ دورۂ انگلینڈ میں وکٹ کیپر رضوان اور کپتان اظہر علی پر پرفارمنس کا دباؤ ہوگا، اگر دونوں نے پرفارم نہیں کیا تو مینجمنٹ کو کسی اور کو موقع دینا پٹرے گا۔

کامران اکمل نے واضح کیا کہ انہوں نے ہر فارمیٹ اور ہر سطح پر پرفارمینس دی ہے،کوئی سلیمانی ٹوپی پہن کر ڈومیسٹک کرکٹ نہیں کھیلی کہ کوئی انہیں دیکھ نہیں سکتا.

53 ٹیسٹ میں 6 اور ون ڈے کرکٹ میں 5سنچریاں بنانے والے 38 سالہ کامران اکمل نے مزید کہا کہ اپنے لئے آواز اٹھانا ان کا فرض ہے۔

کامران اکمل نے کہا کہ چیف ایگزیکٹو وسیم خان اور چیف سلیکٹر/ ہیڈ کوچ مصباح الحق کے سامنے انہوں نے اپنا کیس رکھا ہے، امید ہے کہ انہیں انصاف ضرور ملے گا۔

مصباح الحق سے متعلق سوال پر مایہ ناز وکٹ کیپر کا کہنا تھا کہ بطور کپتان مصباح الحق کے دور میں ٹیم کی رینکنگ بہت نیچے آئی، لیکن انہیں امید ہے کہ جو غلطیاں مصباح نے بطور کپتان کیں مستقبل میں ایک نئے عہدے پر کام کرتے ہوئے وہ انہیں نہیں دہرائیں گے۔

پاکستان کے لئے دو ورلڈ کپ کھیلنے والے کامران اکمل کا کہنا تھا کہ مکی آرتھر اور وقار یونس کی پسند نا پسند اور تجربات نے پاکستان کرکٹ کو جو نقصان پہنچایا، وہ امید کرتے ہیں ،مصباح الحق ایسا ہر گز نہیں کرینگے۔

انہوں نے کہا کہ مصباح اپنی انا کو بالائے طاق رکھ کر اور سوچ کو مثبت انداز اپناتے ہوئے پاکستان کرکٹ کے وسیع تر مفاد میں فیصلے کرینگے۔

کھیلوں کی خبریں سے مزید