ملک میں قیام امن کیلئے پولیس کی بڑی قربانیاں ہیں، مراد علی شاہ

وزیراعلیٰ سندھ مراد علی شاہ نے پولیس کے یوم شہداء کے موقع پر جاری اپنے پیغام میں کہا کہ  پورے ملک میں قیام امن کیلئے پولیس کی بڑی قربانیاں ہیں۔

انہوں نے کہا کہ سندھ پولیس کے 23 جوانوں نے اپنی جان کا نذرانہ پیش کر کے امن بحال کیا۔

پولیس کے شہداء قوم کے ہیرو ہیں، عثمان بزدار

پنجاب کے وزیرِ اعلیٰ سردار عثمان بزدار کہتے ہیں کہ وطنِ عزیز پر اپنی قیمتی جانیں نچھاور کرنے والے پولیس کے شہداء قوم کے ہیرو ہیں۔

مراد علی شاہ کا کہنا تھا کہ کورونا وائرس میں سندھ کے 16 جوانوں نے جان کا نذرانہ پیش کیا، سندھ حکومت نے پولیس شہداء کے خاندانوں کو کبھی اکیلا نہیں چھوڑا۔

واضح رہے کہ ملک بھر کی طرح کراچی میں بھی یوم شہدا پولیس منانے کی تیاریاں جاری ہیں، اس حوالے سے کراچی پولیس نے یوم شہدا پولیس پر ترانہ جاری کردیا ہے۔

کراچی پولیس نے یوم شہدا پولیس پر ترانہ جاری کردیا

ملک بھر کی طرح کراچی میں بھی یوم شہدا پولیس منانے کی تیاریاں جاری ہیں، اس حوالے سے کراچی پولیس نے یوم شہدا پولیس پر ترانہ جاری کردیا ہے۔

ترجمان کراچی پولیس کے مطابق یوم شہدا پولیس کی مرکزی تقریب گارڈن ہیڈ کوارٹر میں کی جائے گی، جس میں پولیس کے اعلیٰ افسران اور شہدا کے اہل خانہ شرکت کریں گے۔

ترجمان کراچی پولیس کا کہنا ہے کہ شہر کی روشنیاں پولیس جوانوں کی شہادت کا ثمر ہیں، پولیس فورس نے شہادتوں کی لازوال تاریخ رقم کی ہے۔