ہفتہ دس دنوں میں سیاحت کو کھول دینگے، وزیر اعلیٰ خیبر پختونخوا

04 اگست ، 2020

وزیر اعلیٰ خیبر پختونخوا محمود خان نے کہاہے کہ کورونا وائرس کی وجہ سے صوبے کو 53 ارب روپے کا نقصان پہنچا ہے، صورتحال قابو میں رہی تو ہفتہ دس دنوں میں سیاحت کو کھول دینگے۔

سیدوشریف میں میڈیا سے گفتگو کرتے ہوئے وزیر اعلیٰ محمود خان کاکہناتھا کہ سوات میں جنگلات کی غیر قانونی کٹائی کسی صورت برداشت نہیں کی جائیگی اور امسال مزید ایک ارب درخت لگائے جائیں گے۔

ان کاکہنا تھا کہ لا ک ڈاؤن کے حوالے سے وزیر اعظم عمران خان کی پالیسی بہت کامیا ب رہی ہے جس کے دور رس نتائج برآمد ہورہے ہیں ۔

وزیر اعلیٰ کاکہناتھا کہ وفاقی حکومت سوات ایکسپریس وے کیلئے 19 ارب روپے دے رہی ہے جس پر بہت جلد کام شروع کردیا جائے گا جس سے یہاں کی سیاحت کے فروغ میں مددملے گی۔

محمود خان کاکہناتھا کہ کورونا وائرس سے نمٹنے کے لئے رقم سالانہ ترقیاتی بجٹ سے فراہم کی گئی ہےجس سے ترقیاتی کاموں میں تاخیر پیدا ہوسکتی ہےْ

تازہ ترین