آپ آف لائن ہیں
جمعرات13؍ صفر المظفّر 1442ھ یکم اکتوبر2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

آج مقبوضہ کشمیر نقشے میں شامل ہوا کل یہ پاکستان کا حصہ ہوگا: عثمان بزدار

وزیر اعلیٰ پنجاب عثمان بزدار کا کہنا ہے کہ آج مقبوضہ کشمیر نقشے میں شامل ہوا ہے کل یہ پاکستان کا حصہ ہوگا۔

عثمان بزدار سے وزیر مملکت ماحولیاتی تبدیلی زرتاج گل کی ملاقات ہوئی، ملاقات میں عمومی صورتحال، ترقیاتی منصوبوں اور سیاسی امور پر تبادلہ خیال کیا گیا۔

عثمان بزدار نے کہا کہ کشمیر تقسیم ہند کا نامکمل ایجنڈا ہے، کشمیر کو پاکستان کے نقشے میں شامل کرنا ہر پاکستانی اور ہر کشمیری کی آواز ہے۔

انہوں نے کہا کہ آج مقبوضہ کشمیر نقشے میں شامل ہوا کل یہ پاکستان کا حصہ ہوگا، وزیراعظم عمران خان نے ہر فورم پر کشمیر کا مقدمہ لڑا ہے۔

اس موقع پر زرتاج گل نے کہا کہ کشمیر کی آزادی کا دن اب زیادہ دور نہیں، بھارت کو ہر سطح پر رسوائی کا سامنا کرنا پڑ رہا ہے۔

انہوں نے کہا کہ دنیا کی کوئی طاقت کشمیر کو پاکستان سے جدا نہیں کرسکتی، کشمیر کل بھی ہمارا تھا اور کشمیر آج بھی ہمارا ہے۔

قومی خبریں سے مزید