آپ آف لائن ہیں
جمعہ7؍صفر المظفّر 1442ھ 25؍ستمبر2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

نون لیگ کی مشترکہ پارلیمانی پارٹی کا اجلاس آج طلب

مسلم لیگ نون کی مشترکہ پارلیمانی پارٹی کا اجلاس آج جمعرات کو طلب کر لیا گیا ہے۔

اس بات کا اظہار مسلم لیگ نون کی ترجمان مریم اورنگزیب نے جاری کیے گئے ایک بیان میں کرتے ہوئے کہا ہے کہ پارٹی صدر شہباز شریف اس اجلاس کی صدارت کریں گے۔

انہوں نے کہا کہ اجلاس سینیٹ بینکوئٹ ہال میں سہ پہر 3 بج کر 30 منٹ پر ہو گا، تمام نون لیگی ارکانِ قومی اسمبلی و سینیٹ کو اجلاس میں شرکت کی ہدایت کی گئی ہے۔

مریم اورنگزیب کا کہنا ہے کہ اجلاس میں ملکی مجموعی صورتِ حال پر تفصیلی تبادلۂ خیال کیا جائے گا، شہباز شریف مستقبل کے لائحہ عمل اور سیاسی قائدین سے مشاورت پر اعتماد میں لیں گے۔

یہ بھی پڑھیئے: شہباز شریف نے پارٹی کا مشترکہ پارلیمانی اجلاس طلب کرلیا

انہوں نے مزید بتایا کہ اس اجلاس میں مہنگائی، بے روزگاری، معیشت کی تباہی، داخلی و خارجی امور زیرِ غور آئیں گے، مشترکہ اجلاس میں قانون سازی سے متعلق امور کا جائزہ بھی لیا جائے گا۔

ترجمان نون لیگ مریم اورنگزیب کا یہ بھی کہنا ہے کہ صحت یاب ہونے کے بعد میاں شہباز شریف کی زیرِ صدارت مشترکہ پارلیمانی پارٹی کا یہ پہلا اجلاس ہو گا۔

قومی خبریں سے مزید