عثمان بزدار کی نیب طلبی پر فیاض الحسن چوہان کا بیان

وزیرِ اطلاعات پنجاب فیاض الحسن چوہان نے وزیرِ اعلیٰ پنجاب عثمان بزدار کی نیب طلبی پر درعمل کا اظہار کیا ہے۔

وزیرِ اطلاعات پنجاب فیاض الحسن چوہان نے اپنے ایک بیان میں کہا کہ آل پاکستان لوٹ مار ایسوسی ایشن نے عثمان بزدار کی نیب طلبی پر بلا وجہ طوفان کھڑا کیا ہوا ہے۔

وزیراعلی پنجاب عثمان بزدار نیب میں طلب

قومی احتساب بیورو (نیب) نے وزیراعلی پنجاب عثمان بزدار کو شراب کے غیر قانونی لائسنس جاری کرنے کے الزام میں طلب کرلیا۔

فیاض الحسن چوہان نے کہا کہ لاہور میں ایک نئے تعمیر شدہ ہوٹل نے شراب کے کوٹے کے لیے اپلائی کیا، ہوٹل کو لائسنس جاری کرنے کا اختیار ڈی جی ایکسائز کے پاس ہے۔

انہوں نے کہا کہ ڈی جی ایکسائز نے اس ہوٹل کوشراب کا لائسنس جاری کیا، میڈیا پر خبر کے بعد ڈی جی ایکسائز نے فائل وزیرِ اعلیٰ سیکریٹریٹ بھیجی۔

فیاض الحسن چوہان نے مزید کہا کہ فائل اس نوٹ کے ساتھ واپس بھجوا دی گئی کہ یہ معاملہ ہمارے دائرہ اختیار میں نہیں ہے۔