پریشان کرنے والوں کی خواہش پوری نہ ہونے دیں، ژالے سرحدی

پاکستانی فلم و ٹی وی انڈسٹری کی معروف اداکارہ ژالے سرحدی نے مداحوں کو مثبت رہ کر پریشان کرنے اور بُرا چاہنے والوں کی کوششوں کو ناکام بنانے کا مشورہ دیا ہے۔

فوٹو اور ویڈیو شیئرنگ ایپ انسٹاگرام پر اپنی دلکش تصویریں پوسٹ کرتے ہوئے اداکارہ نے نے لکھا کہ یہ بات ماننے والی ہے کہ مثبت رویہ آپ کے مسائل کو حل نہیں کر سکتا لیکن ان لوگوں کی کوشش کو ناکام ضرور بنا سکتا ہے جو آپ کے حوصلے پست کر کے آپ کو پریشان کرنا چاہتے ہیں۔

انہوں نے کہا کہ ہمشیہ مثبت رہیں اور پریشان کرنے والوں کی اس خواہش کو کبھی پورا نہ ہونے دیں جن کو آپ کی پریشانی خوشی دیتی ہے ۔

واضح رہے کہ ژالے سرحدی کو آج کل حال ہی میں دئیے گئے اپنے ایک بیان پر تنقید کا سامنا ہے۔

اسراء کو پاکستانی برانڈ کا ایمبیسیڈر بنانا ہمارے منہ پر طمانچہ ہے: ژالے سرحدی

پاکستان فلم و ٹی وی انڈسٹری کی مقبول ترین اداکارہ...

انہوں نے غیر ملکی اداکارہ کو پاکستان برانڈ کا ایمبیسڈر بنانے کی شدید مخالفت کرتے ہوئے کہا تھا کہ ایسا ہونا ہمارے منہ پر طمانچہ ہے۔

ایک ٹی وی انٹرویو کے دوران ژالے سرحدی نے اظہار خیال کرتے ہوئے کہا تھا کہ اگر آپ پاکستانی اداکاراؤں کی جگہ ترک اداکارہ اسراء بلجیک (حلیمہ سلطان) کو برانڈ ایمبیسیڈر بناتے ہیں تو یہ ہمارے منہ پر طمانچہ ہے۔