گلشن حدید کے ایک مکان میں شیروں کے پالے جانے کا انکشاف

کراچی کے علاقے گلشن حدید معظم ٹاؤن کے ایک مکان میں 6 شیروں کے پالے جانے کا انکشاف ہوا ہے۔ جس کے بعدعلاقے میں خوف و ہراس پھیل گیا ہے۔

شہریوں نے احتجاج کرتے ہوئے کہا کہ شیر پنجرے سے نکل کر مکان کے کمپاؤنڈ میں گھوم رہے تھے۔

کنزرویٹر سندھ وائلڈ لائف جاوید مہر نے کہا کہ وائلڈ لائف منی زو کا پرمٹ جاری کرتا ہے جس کے تحت گوشت خور جانور رکھنے کی اجازت نہیں ہوتی، یہ اجازت نامے کی خلاف ورزی ہے۔

سندھ وائلڈ لائف نے شیر کے مالکان کو دستاویزات کے ہمراہ آج بلایا ہے۔