سونیا حسین کی شاعری اور تصویر انسٹا پر چھاگئی

پاکستانی شوبز انڈسٹری سے تعلق رکھنے والی خوبرو اداکارہ سونیا حسین کی نئی تصویر اور شعر نے انسٹا گرام پر دھوم مچا دی ہے ۔

پاکستان کی وراسٹائل اداکارہ سونیا حسین فوٹو، ویڈیو شیئرنگ ایپلیکیشن انسٹا گرام پر کافی متحرک نظر آ تی ہیں اور اپنے مداحوں کے ساتھ اپنی نئی تصاویر اور ویڈیوز شیئر کرتی رہتی ہیں جنہیں اُن کے مداحوں کی جانب سے خوب پسند کیا جاتا ہے ۔

سونیا حسین نے اپنی نئی تصویر اپنے انسٹا گرام اکاؤنٹ پر شیئر کی ہے ، سونیا میں اپنی تصویر شیئر کرتے ہوئے ساتھ میں ایک خوبصورت شعر بھی لکھا ہے جس نے سب ہی کے دل موہ لیے ہیں ۔

سونیا حسین نے اپنی تصویر کے ساتھ ایک شعر ’ ‎بیٹھے بیٹھے پھینک دیا ہے آتِش داں میں کیا کیا کُچھ ۔۔۔ ‎مُوسم اِتنا سرد نہیں تھا، جِتنی آگ جلا لی ہے،‘ لکھا، اس شعر اور تصویر کو مداحوں کی جانب سے خوب پسند کیا جا رہا ہے ۔

اداکارہ سونیا حسین کی تصویر پر پاکستان شوبز انڈسٹری کی معروف ماڈل و اداکارہ ناد یہ حسین نے بھی کمنٹ میں حیرانی کا اظہار کرتے ہوئے لکھا کہ ’ آپ بہت خوبصورت ہیں ۔‘

سونیا کی اس تصویر پر مداحوں نے بھی ڈھیر سارے تعریفی کمنٹس کیے ہیں جن میں سے ایک انسٹا صارف کا کہنا تھا کہ سونا حسین اُن کی سب سے پسندیدہ اداکارہ ہیں ۔